«ԵրՄՄԳՀԻ» ՓԲԸ-ն մասնագիտացված է տեղեկատվական տեխնոլոգիաների ոլորտում։
Այն իրականացնում է լայն նոմենկլատուրայում գիտատեխնիկակական արտադրանքի ներդրման, արտադրության և մշակման աշխատանքներ։
Գիտատեխնիկական արտադրանքի նոր նմուշների ստեղծումն ինստիտուտում իրականացվում է ինչպես պատվիրատուի առաջարկով, այնպես էլ սեփական նախաձեռնությամբ՝ իր իսկ ռեսուրսների հաշվին։
Ընկերության հնարավորությունները թույլ են տալիս կատարել համալիր աշխատանքներ գիտատեխնիկական արտադրանքի բոլոր փուլերում՝ սկսած նախագծումից, մինչև նմուշների փորձարկում։
Ինստիտուտն իրականացնում է ապրանքների գործարկման գործընթացի հեղինակային հսկողություն, ինչպես նաև հետևում է դրանց արդիականացմանը և զարգացմանը։
ԵրՄՄԳՀԻ կազմում այսօր գործում է 4 գիտատեխնիկական կենտրոն։
ԳՏԿ-3
Զբաղվում է կառավարման գլոբալ(տարածքային) ավտոմատացված համակարգերի, տվյալների բազաների, տեղեկատվական համակարգերի, համակարգային և կիրառական ծրագրային ապահովումների ստեղծմամբ։ Ունի մեծ փորձ տարբեր բնագավառներում ԿԱՀ ծրագրային ապահովումների ստեղծման ոլորտում:
Այստեղ իրականացվում են այնպիսի աշխատանքներ, ինչպիսիք են ․
- Զորքերի կառավարման ավտոմատացված համակարգերի ստեղծում։ (ԶԿԱՀ)
- ՀՀ զինկոմիսարիատների տեղեկատվական ավտոմատացված համակարգի ստեղծում։
- Տարբեր կիրաառական ծրագրային համալիրների և փաթեթների մշակում, այդ թվում՝ օգտատերերին ԶԿԱՀ-ի ուսուցում։
ԶԿԱՀ ծրագրային ապահովման նախագծումն ու մշակումն իրականացվում է Windows OS միջավայրում՝ օգտագործելով ժամանակակից հաշվիչ միջոցները, կապի միջոցները և տեղեկատվության պաշտպանությունը։